Nanginginig ang kamay at tumatagaktak ang pawis ni Dindo habang hinahaplos ang pisngi ni Pamela.
"Pam, kaya mo ba?" tanong ni Dindo
"Kakayanin." tugon nito.
Mga bata pa lang ay magkaibigan na sina Dindo at Pamela palibhasa magkapitbahay lang ang mga ito. Magkasama sila sa lahat ng bagay sa paglalaro, sa pangunguha ng mangga ng kapitbahay at iba pang kalokohan. Alam nila ang lahat ng nangyayari sa kanila. Minsan nga ng magpatuli si Dindo sa kalapit na ilog ay hindi iot lingid kay Pamela na nakatanaw sa kalyuan kasama ang isang kalaro nito na si Rose. Ganun din si Pamela ang unang buwanang dalaw nito ay naganap habang naglalaro sila ni Dindo ng piko. Takot na takot noon si Pamela na inakala pa ni Dindo na nasugatan dahil sa dugong umaagos dito.
"Patingin nga san ka nagkasugat?
"Di ko alam basta may dugo na lang na umagos."
"Masakit ba?
"Hindi"
"Eh bakit dumudugo? san galing? patingin sabi."
"Ayoko, nakakahiya."
"Anong nakakahiya sa sugat?"
"Basta!"
"Pamela! pumasok ka rito bilis!" ang nanay ni Pamela na si Aling Aida na napansin ang unang sensyales ng pagdadalaga ng anak.
Sa edad na dise sais patuloy pa rin ang pagiging magkaibigan at ang pagiging malapit ni Dindo at ni Pamela. Hindi mahilig si Pamela na magpapansin sa mga kaedad nitong mga lalaki at ganun din si Dindo na walang iabgn pinapansin kundi si Pamela. Lumaking maganda si Pamela at maganda rin ang hubog ng katawan nito may pagka boyish nga lang ito sa pananamit pati na rin sa pagkilos.
"Ikaw na lang kaya ang ligawan ko Pam?" sabi ni Dindo habang papauwi sila galing sa eskwelahan.
"Ulol! 4th year high school pa lang tayo noh! at saka ayaw ko sayo di kita type."
"Eh sino ang type mo? yung si Rafael na parang langaw na sunod ng sunod sayo?
"Di noh"
"Eh sino?
"Basta hindi sya at hindi ikaw."
Ngunit isang araw nagising na lang si Pamela na gusto na nya ang ibang ginagawa ng kanyang mga kaklaseng babae. Gusto rin nyang maranasan ang isang bagay na nararanasan ng isang ganap na babae.
"Sigurado ka ba Pam sa gagawin mo?" tanong ni Dindo.
"Oo, kagabi ko pa ito pinag-iisipan at handa na ako."
"Pero bakit ako pa? pwede namang si ......
"Shhhh.." pinigilan ni Pamela ang sasabihin pa ni Dindo. "Narito na tayo, gawin na lang natin at gusto ko ikaw ang gagawa nun. MAtagal na tayong magkasama at ngayon gusto ko maranasan yun na ikaw pa rin ang kasama."
"Ayoko sanang gawin ito Pam kasi hindi rin ako marunong first time ko din."
"Try na lang natin."
"Sige buksan ko ang ilaw ha? para kitang kita ko."
"Sige lang pipikit lang ako."
"Hahawiin ko ang buhok Pam ha? kasi natatakpan."
"Sige lang, teka parang ang laki yata nyan?"
"Eh anong gagawin ko? ganito talaga yata ito eh."
"Nakakatakot naman yan pero sige na nga"
"Pam sigurado ka ba talaga? ibabaon ko na ha?"
"Sige dahan dahan lang ha"
"Promise, dahan dahanin ko lang."
Halos naririnig ni dindo ang kabog ng dibdib ni Pamela dahil sa halos magkalapit ang kanilang mga mukha. Kitang kita ni Dindo sa maamong mukha nito ang labis na pag-aalala sa gagawin nito.
"Aray!" napapitlag si Pamela sa sakit.
"Saglit na lang ito Pam, malapit na.
"Aray ko po! masakit pala." napapangiwing sabi ni Pamela.
"Ayan! naibaon ko na! makaka pag hikaw ka na Pam tulad ng mga kinaiinggitan mong mga kaklase. Kung bakit kasi naman may pagka tomboy ka eh. Sana dati pa nagawa mo na ito."
"Eh ayaw ko kasi talga magpabutas ng tainga sabi nga ni inay sya na lang eh."
"O sya sige tayo ka na dyan, pinagpawisan ako sayong babae ka!"
"Salamat bestfriend ha"
"Ok lang yun bestfriend, basta ikaw."
